گزشتہ دنوں حزب موتلفہ اسلامی کے جنرل سکریٹری اور چند ممبران نے حضرت آیۃ اللہ العظمیٰ صافی سے ملاقات کی ۔
اس ملاقات میں آیۃ اللہ العظمیٰ صافی کی گفتگو سے قبل حزب کے سکریٹری جناب ڈاکٹرنبی حبیبی نے آیۃ اللہ العظمیٰ صافی کو ان کے بھائی آیۃ اللہ العظمیٰ علی صافی کی وفات کا پرسہ دیا اور پھر آیۃ اللہ العظمیٰ صافی کی خدمت میں اسلامی ممالک اور علاقے کے دیگر مسلمانوں کے حالات اور شیعہ دشمنوں کی کارکردگی کی گزارش پیش کی ۔
آیۃ اللہ العظمیٰ صافی نے ان کا شکریہ ادا کرتے ہوئے فرمایا : اسلامی دنیا آج بہت ہی نازک موڑ پر پہنچ چکی ہے ۔ ایسے نازک موڑ پر چونکہ اسلام کے حقیقی پیرو شیعہ ہی ظلم و بربریت کے مقابلہ میں اپنے عقائد ، اخلاقی اقدار اور اپنے مادی منافع سے دفاع کرنے میں کامیاب رہے ہیں اس لئے ہم سب کے لئے یہ فخر کی بات ہے ۔

معظم لہ نے استعماری طاقتوں کی جانب سے پیدا کئے گئے ہوئے چند اسلام دشمن فرقوں کی جانب اشارہ کرتے ہوئے فرمایا : یہ لوگ استعماری طاقتوں کا آلہ کار ہیں اور اپنے ضد اسلامی اعمال کے ذریعہ اسلام کے چہرے کو شدت پسند اور ضد انسانی بنا کر پیش کرتے ہیں ۔
آپ نے اسلامی ممالک میں دہشتگردانہ حملوں پر افسوس ظاہر کرتے ہوئے فرمایا : وہابی فرقے نے اسلامی دنیا کو ناامن بنا رکھا ہے اور مسلمانوں سے چین اور سکون سلب کر لیا ہے ، غیر مسلم ممالک میں امنیت اور آسایش ہے لیکن پاکستان ، افغانستان اور عراق جیسے اسلامی ممالک میں روز سیکڑوں بے گناہوں کا خون بہایا جا رہا ہے ۔
آیۃ اللہ العظمیٰ صافی نے سعودیہ میں اسلامی میراثوں کی مسماری پر شدید تنقید کرتے ہوئے فرمایا : سعودیہ میں اسلام کی زندہ تاریخ جسے اسلام کی ثقافتی میراث کہا جاتا ہے اسے نابود کیا جا رہا ہے ، اس کے ذریعہ وہ اسلام کی تاریخی حیثیت کو خدشہ دار کرنا چاہتے ہیں ۔ تاریخ صرف لکھی ہوئی کتابوں میں نہیں پائی جاتی جن میں تحریف کا بھی امکان ہے بلکہ ہر قوم و ملت کی زندہ اور مجسم تاریخ اس کے آثار قدیمہ ہیں جو ہزارہا سال سے موجود ہیں ۔
مرجع تقلید نے فرمایا : وہ لوگ جہاں بھی پیغمبر اکرم (ص) اور ائمہ معصومین علیھم السلام یا ان کے اصحاب کی کوئی بھی نشانی تھی اسے مسمار کر دیا ، وہ گھر جو پیغمبر (ص) اور اہلبیت (ع)کی سادہ زیستی کی علامت تھا اسے بیہودہ اور غیر اخلاقی بہانوں سے مٹا دیا اور آج بھی اسلامی تاریخوں میں ان کی یاد منانے کی مخالفت کرتے ہیں ۔
معظم لہ نے آیۃ " فِي بُيُوتٍ أَذِنَ اللَّهُ أَنْ تُرْفَعَ وَيُذْكَرَ فِيهَا اسْمُهُ" کی جانب اشارہ کرتے ہوئے فرمایا : جس وقت یہ آیت نازل ہوئی ابو بکر نے مولائے کائنات علیہ السلام کے گھر کی جانب اشارہ کرتے ہوئے پوچھا : کیا علی کا گھر بھی ان گھروں میں شامل ہے ؟ حضرت نے جواب دیا " ھی من افاضلھا " بیشک یہ گھر بہترین گھروں میں سے ہے جنہیں خداوند عالم نے رفعت اور بلندی عطا کی ہے ۔ لیکن افسوس کی وہابیوں نے اس گھر اور اس کے آثار کو زمین بوس کر دیا ، عالم اسلام کے لئے یہ شرمندگی کی بات ہے ۔
اپنی گفتگو کے آخر حصہ میں آپ نے تمام کاموں میں اخلاص اور خدائی رنگ کو ضروری قرار دیتے ہوئے فرمایا : دین کی بنیاد، راہ خدا میں دوستی اور دشمنی ہے، دین محبت اور دشمنی کے علاوہ اور کچھ ہے بھی نہیں ، ہمارا ہر قول و فعل خدا کے لئے ہونا چاہئے ؛ اگر کسی سے دوستی کریں تو خدا کے لئے ،اگر دشمنی کریں تو بھی خدا کے لئے ، آج جو ہماری مشکلات بڑھتی چلی جا رہی ہیں یہ اس لئے ہے کہ ہمارے سارے کام خدا کے لئے نہیں ہوتے ہیں ، خدا کی رضا ہمارا مطمع نظر ہونا چاہئے ،امر بالمعروف ، نہی عن المنکر اور ہمارے تمام کاموں میں خدائی رنگ پایا جانا چاہئے ۔
آخر سخن میں آپ نے فرمایا : عشرہ فجر نزدیک ہے جس میں ہم انقلاب اسلامی کے کامیابی کی یادگار مناتے ہیں ، یہ عشرہ شکرگزاری کا عشرہ ہے اسے ہم گناہوں سے آلودہ نہ کریں ، ہم سب پر یہ فرض ہے کہ ان پروگراموں کو خدائی رنگ کے ساتھ منعقد کریں ۔